ഞാന്‍ കരയുമ്പോള്‍ എന്റെ കൂടെ കരയാനും ഞാന്‍ ചിരിക്കുമ്പോള്‍ എന്റെ കൂടെ ചിരിക്കാനും എന്നിലെ ഞാനായ് മാറാനും ഒരു പെണ്‍കുട്ടി.അവളെപ്പൊഴാണെന്റെ ജീവിതത്തിലേക്ക് ഒരു പനിനീര്‍ പുഷ്പം പോലെ സുഗന്ധം പരത്തി കടന്ന് വരിക?എന്റെ ജീവിതത്തിന്റെ മറുപാതി.കാത്തിരിപ്പിന്റെ കാനനഛായ താണ്ടി,വിദൂരതയുടെ വിരഹ സൗന്ദര്യം വെടിഞ്ഞ് ഒരു നാള്‍ അവള്‍ സാമീപ്യത്തിന്റെ തൂവല്‍ സ്പര്‍ശം സമ്മാനിക്കുക തന്നെ ചെയ്യും.കാത്തിരിപ്പിന്റെ ദ്രുതമിഡിപ്പിനാല്‍ ഊഷ്മാവുയര്‍ന്ന എന്റെ തനവും മനവും സ്നേഹാമ്റിതിനാല്‍ നനുപ്പിക്കും നാള്‍ കാത്ത്‍, മഴക്കായ് കേഴും വേഴാമ്പലെപ്പൊലെ ഞാന്‍,എന്നു നീ പെയ്തിറങ്ങുമെന്നറിയാതെ....
ആരാണു നീ.....?ഭൂമിയുടെ ഏതു കോണിലാണ് നീയിപ്പോള്‍?
ഒരു പക്ഷെ ഇതുവരെ കാണ്ടിട്ടില്ലാത്ത നിന്നെക്കാണാന്‍, എന്തിനെന്‍ മനം വല്ലാതെ വീര്‍പ്പു മുട്ടുന്നു?!!അതൊ നമ്മള്‍ മുന്‍പ് കണ്ടിരുന്നൊ?ആ നിലാവുള്ള രാത്രിയില്‍ ദല്‍ഹിയിലെ ചാന്ദിനി ചൗക്കില്‍ വെച്ച് കണ്ടതു നിന്നെയായിരുന്നൊ?ദാരിദ്ര്യത്തിന്റെ കറുപ്പു കൈകളില്‍ നിന്നും രക്ഷ്പ്പെടാന്‍ വേണ്ടി,സമീപത്തിരിന്നിരുന്ന വ്രദ്ധയായ മാതാവിനെ അത്താഴപ്പട്ടിണിയില്‍ നിന്ന് കരകേറ്റാന്‍ വേണ്ടി,ധരിച്ച ധാവണിയുടെ മറുതല ഒരു ഭിക്ഷ്പ്പാത്രമാക്കി നീയെന്നോട് യാജിച്ചിരുന്നതു എന്റെ ഹ്രിദയമാണെന്നറിയാതെ,ഒരു ജീവിതമാണെന്നറിയാതെ,ഒരു കൈത്തങ്ങാനെന്നറിയാതെ, ഞാനന്ന് നിക്ഷേപിച്ച ഒരു രൂപാ നാണയത്തുട്ടുകള്‍ എനിക്കു മാപ്പു നല്‍കിരുന്നെങ്കില്‍....
പ്രണയത്തിന്റെ പ്രധിധ്വനികള്‍ നിലക്കാത്ത താജ് മഹലിന്റെ താഴികക്കുടങ്ങല്‍ക്കു കീഴെ,എന്നെ നോക്കി പാല്‍ പുഞ്ചിരി തൂകിയ പെണ്‍കുട്ടി നീയായിരുന്നൊ?ഊരും പേരുമറിയാത്ത നിന്നെ പിന്നീട് പല ആള്‍ക്കൂട്ടങ്ങളിലും എന്റെ കണ്ണുകള്‍ ഞാനറിയാതെ തേടാറുണ്ടായിരുന്നില്ലെ?
എന്റെ സ്വപ്നങ്ങളില്‍ മാത്രം വന്നവളാണൊ നീ...
അതൊ,സന്ധ്യാ നേരത്തെ സൂര്യന്‍ നാണിച്ച് പോം വിധം ശോണിമയാര്‍ന്ന അയല്പക്കത്തെ ആപ്പില്‍ പെണ്ണാണൊ നീ.......
ഉഹിബ്ബുക sms അയക്കുന്ന അറബിപ്പെണ്‍കൊടിയുടെ രൂപമാണൊ നിനക്ക്?
എനിക്കറിയില്ല ഈ ഇരുളില്‍ വെളിച്ചമെവിടെയെന്ന്??,ഇങ്ങനെയും ഒരു സമസ്യയൊ!ഒരു ചോദ്യതിന് ഒരായിരം ഉത്തരങ്ങളോ!
എന്നു നിന്റെ പ്രണയത്തില്‍ എല്ലാം മറന്ന് ഞാന്‍ അലിഞ്ഞു തീരുന്ന ആ നാള്‍ വരും?എന്റെ പ്രണയ തന്ത്രികള്‍ നിനക്കായ് കാത്തിരിക്കും ,വേണമെങ്കില്‍ യുഗങ്ങളോളം....ആത്മാവിനു മരണമില്ലല്ലൊ..
